🍂خطابت کی اہمیت 🍃 ✍🏻فن خطابت ایک ایسا فن ہے جس کاثبوت قرآن کریم کی آیت "علمہ البیان"سے ملتا ہے،باری تعالی نےہرانسان کو اس صفت سے نوازا ہے لہذا اس سے کوئی بھی فرد انسان مستثنی نہیں ہے،یہ وصف ہرانسان میں بدرجۂ اتم موجود ہے- انسان اگر اس کو نکھارے اور اس میں کمال پیدا کرے تو اسے خطیب یا مقرر کہاجاتاہے،اور جو اپنے مافی الضمیر کو موقع ومحل کے اعتبار سے بہترین طرز گفتگو اورحسن انداز، آواز کی سوز وگداز کے ساتھ الفاظ وتعبیرات کو بہترین پیراۓ میں پرو کر پیش کرےایسا شخص فصیح للسان وبلیغ البیان قادر الکلام کہلاتاہے- خطابت کی اہمیت ہر شخص جانتاہے کہ اللہ تعالی نے فن خطابت کو اشاعت دین کا ذریعہ بنایا،تعلیم وتعلم ،درس وتدریس بھی خطابت پر موقوف ہے - رب کریم نے انبیاء کرام کو وصف خطابت سے متصف کیا، اسی کے ذریعہ انسانوں میں خدا کا تعارف کرایا،اور اسی کے ذریعے گم گشتۂ راہ انسان کوراہ راست پہ لایا،قرآن کریم بے شمار آیتیں ایسی ہے ہیں جس سلیقۂ گفتگو ہنر واشگاف ہوتاہے- فی زماننا عوام میں جو بھی خدمت دین کا کام انجام پارہی ہے اسی خطابت کا کمال ہے ،زبان دانی عروج وصعود اور ترقئ قوم کی پہلی سیڑھی ہے، انسان اپنا تعارف بھی اسی کے ذریعے کراتاہے،ہر میدان میں خطابت کی ضرورت ہے،کوئی بھی میدان ایسا نہیں ہے جو اس سے خالی ہو ،جو شخص قادر الکلام نہ ہو عامۃ اسے لائق وفائق نہیں سمجھاجاتا اور نہ اس کو کسی منصب عالی فائز کیاجاتا،سیاست میں بھی آدمی کا خطیب ہوناہے ضروری ہے،لوگوں کو اپنے التفات کا محور اور گرویدہ بنانا اسی وقت ممکن ہے جب آپ لسانیت کے ماہر ہوں ،ورنہ توآپ آپکی باتیں بے التفاتی کی نظر ہوجائیں گی ہے،اگر آپ ایک عالم دین ہیں مگر تقریر وخطابت سے ناواقف ہیں تو آپ عوام کیلیے نافع نہیں ہے ، کیونکہ عوام دین سمجھتا ہے خطابت سے ہے،ایک مؤلف کی تالیف صرف خاص فائدہ پہونچاسکتی ہے ،جبکہ ایک خطیب کی خطابت عوام وخواص دونوں کو فائدہ پہنچا سکتی ہے- اتنی اہمیت کے باوجود ہم اس فن سے بے رخی اور رو گردانی اختیار کررہے ہیں ،اس کے کئی وجوہات ہیں ۱ ہم اسکی اہمیت وافادیت سے ناواقف ہیں ۲ ہم کچھ بننا نہیں چاہتے ۳ ہم اسے مشکل سمجھتے ہیں ۴ اہم اس کی ضرورت محسوس نہیں کرتے ، جس کی وجہ سے بعد میں در پیش مسائل سے واقفیت ہونے کے باوجود مافی الضمیر کو ادا کرنے سے عاجز ہوتے ہیں اور لوگوں کے سامنے رسوائی کے دامن سے خجالت کے آنسو پوچھتے ہیں - رب کریم ہمیں اس فن سے بہرہ ور فرماۓ اور اس میں نمایاں مقام پیدا کرنے کی توفیق میسر فرماۓ- آمین